Azərbaycan Yerüstü Nəqliyyat Agentliyinin məlumatına görə, 140A nömrəli marşrut xəttində ödəniş sistemi yenilənir.
Belə ki, Lökbatan qəsəbəsi ilə Xırdalan şəhərini birləşdirən bu şəhərətrafı xəttdə artıq yalnız nağdsız ödəniş üsulu tətbiq olunacaq.
Qeyd edilib ki, marşrut üzrə ekoloji baxımdan təmiz CNG texnologiyalı avtobuslar fəaliyyət göstərir və sərnişinlərə 10 dəqiqə intervalla xidmət göstərən 12 avtobus mövcuddur.
Aprelin 25-dən qüvvəyə minəcək dəyişikliklə gedişhaqqı 0,70 manat olaraq müəyyənləşdirilib.
