Türkiyədə fəaliyyət göstərən beynəlxalq media təşkilatı olan Türk İnternet Media Birliyi (TİMBİR) II növbəti Qurultayını keçirib.
Qurultayda təşkilatın yeni dövr üçün rəhbər heyəti müəyyənləşdirilib. Azərbaycanı təmsil edən media nümayəndəsi Aqil Ələsgər yenidən TİMBİR-in İdarə Heyətinin üzvü seçilib.
Aqil Ələsgər bununla bağlı bildirib ki, Türkiyə Prezidenti Recep Tayyip Erdoğanın təsdiqi ilə 7 mart 2023-cü il tarixində, 3335 saylı “Beynəlxalq Xarakterli Təşkilatların Qurulması Haqqında” Qanun və 6906 saylı Prezident Fərmanı əsasında rəsmi olaraq yaradılan TİMBİR-in II Qurultayı uğurla baş tutub.
O, ikinci fəaliyyət dövründə də İdarə Heyətində təmsil olunmasına göstərilən etimada görə təşkilatın sədri Dr. Süleyman Basaya və qurultay nümayəndələrinə təşəkkürünü ifadə edib.
Yeni seçilən İdarə Heyəti Türkiyənin müxtəlif bölgələri, Azərbaycan və Şimali Kipr Türk Respublikasından olan media nümayəndələrindən formalaşıb. İdarə Heyətində Azərbaycanı Aqil Ələsgər təmsil edir.
TİMBİR İdarə Heyətinin əsas tərkibi:
- Süleyman Basa (Sədr)
- Hasan Özdemir (Bursa)
- Adil Koçalan (İstanbul)
- Aqil Ələsgər (Azərbaycan)
- Cengiz Aksan (Şanlıurfa)
- Cüneyd Altıparmak (Ankara)
- Ercihan Çakmak (Kırıkkale)
- Ertan Birinci (KKTC)
- Fatih Tüten (Ankara)
- Hakan Kandemir (İzmir)
- Hasan Cengiz (Kastamonu)
- Adem Erdağı (Dənizli)
- Hasan Yavuz Bakır (Rizə)
- Mehmet Aydın (Aydın)
- Menderes Demir (Osmaniyə)
- Muammer Baloğlu (Zonquldaq)
- Muhammet Kaçar (Ankara)
- Nevser Tavgaç Eraslan (Ədirnə)
- Osman Ateşli (İstanbul)
- Özkan Dikmen (Təkirdağ)
- Rıfat Sait (İzmir)
- Sait Çetintaş (Samsun)
- Selçuk Özdemir (Ərzincan)
- Semra Aman Akyürek (Balıkəsir)
- Tanju Akıncıoğlu (Trabzon)
- Veysel Cıncık (Hatay)
- Yücel Yalçınkaya (İstanbul)
