Ukrayna Prezidenti Volodimir Zelenski “Freyja” adlı antiballistik hava hücumundan müdafiə sisteminin təxminən bir il ərzində istifadəyə veriləcəyini açıqlayıb.
Elpress.az xəbər verir ki, bu barədə Zelenski yeni antiballistik koalisiyanın iclasında çıxışı zamanı danışıb. Ukrayna lideri layihənin ölkənin müdafiə qabiliyyətinin gücləndirilməsi baxımından mühüm əhəmiyyət daşıdığını vurğulayaraq, “Freyja” sisteminin növbəti 12 ay ərzində fəaliyyətə başlayacağına ümid etdiyini bildirib. Prezidentin sözlərinə görə, yeni sistem Ukraynanın ballistik raket təhdidlərinə qarşı öz istehsalı olan hava hücumundan müdafiə vasitəsi ilə qorunmasını təmin edəcək.
Qeyd edək ki, “Freyja” layihəsi Ukraynanın hava hücumundan müdafiə imkanlarının genişləndirilməsi istiqamətində həyata keçirilən mühüm təşəbbüslərdən biri hesab olunur.
