“Mehmed: Fethlər Sultanı” serialındakı səhnə Çində qalmaqala səbəb oldu
Elpress.az xəbər verir ki, Türkiyənin TRT 1 kanalında yayımlanan “Mehmed: Fethlər Sultanı” serialının son bölümlərindən birində yer alan səhnə Çində müzakirələrə səbəb olub.Bildirilib ki, serialda tarixi baxımdan hələ mövcud olmayan Yarkənd xanlığının nümayəndələrinin Fateh Sultan Mehmed tərəfindən qəbul edilməsi və Əlişir Nəvainin həmin heyətdə göstərilməsi tarixi faktlarla uyğun gəlmədiyi üçün tənqid olunub. Həmçinin Çin və uyğurlarla bağlı səsləndirilən ifadələr etirazlara səbəb olub.Məlumata görə, Sincan-Uyğur Muxtar Rayonunda yaşayan Mahmut Yakup məsələ ilə bağlı TRT və serialın yaradıcı heyətinə qarşı hüquqi prosedura başlayıb və rəsmi xəbərdarlıq məktubu göndərib.Qeyd edək ki, serialın əvvəlində hadisələrin tarixdən ilham alınaraq bədii formada təqdim edildiyi barədə xəbərdarlıq yer alır.
