Hüseyn Mohebbi ölkənin yeni silahlar hazırladığını və mövcud arsenalını təkmilləşdirdiyini bildirib
Elpress.az xəbər verir ki, İran İslam İnqilabı Keşikçiləri Korpusunun (SEPAH) sözçüsü Hüseyn Mohebbi münaqişənin xarakterinin dəyişəcəyi təqdirdə ölkəsinin yeni silahlardan istifadə edəcəyini bildirib.Onun sözlərinə görə, İran öz müdafiə imkanlarını gücləndirmək məqsədilə yeni silah sistemləri hazırlayır və mövcud silahlarını təkmilləşdirir.Mohebbi ABŞ-ın 2015-ci ildə imzalanmış Birgə Hərtərəfli Fəaliyyət Planından (JCPOA) çıxmasına da münasibət bildirib. O qeyd edib ki, sazişin əsas məqsədlərindən biri İranın nüvə silahına sahib olmasının qarşısını almaq olub.SEPAH sözçüsü İranın müdafiə məqsədilə silah istehsalında dünyadakı müxtəlif texnologiyalardan istifadə etməyə və bu istiqamətdə fəaliyyətini davam etdirməyə hazır olduğunu vurğulayıb.
