Elpress.az xəbər verir ki, Portuqaliyanın Madeyra adasının Funsal şəhərində maraqlı hadisə yaşanıb.
Məşhur futbolçu Kriştiano Ronaldo və Corcina Rodrigesin toyunun keçiriləcəyini düşünən minlərlə azarkeş Funsal Katedralının qarşısına toplaşıb.Azarkeşlərin gözləntisi isə özünü doğrultmayıb.
Məlum olub ki, həmin vaxt kilsədə Fransada yaşayan Fabio Ramos və Fatima Nikol Kunya Teyşeyra adlı cütlüyün toy mərasimi keçirilir.Gəlinin “Rolls-Royce” avtomobili ilə kilsəyə gəlməsi isə vəziyyəti daha da qarışdırıb. Onu Corcina Rodriges zənn edən çoxsaylı insanlar avtomobilin ətrafına toplaşıblar.
Mərasimə rəhbərlik edən keşiş də toyun Ronaldo və Corcina ilə heç bir əlaqəsinin olmadığını açıqlayıb.
Beləliklə, məşhur cütlüyün toyunu görmək üçün kilsəyə gələn minlərlə insan gözlənilmədən başqa bir cütlüyün toy mərasiminin şahidi olub.
