Tehran və Məsqət arasında diplomatik təmaslar: XİN rəhbərləri Hörmüz boğazında gəmiçilik və regional prosesləri müzakirə edib
İran və Oman xarici işlər nazirləri arasında telefon danışığı baş tutub, görüş zamanı regional vəziyyət və qarşılıqlı maraq doğuran məsələlər ətrafında fikir mübadiləsi aparılıb.İranın xarici işlər naziri Abbas Əraqçi və Omanın xarici işlər naziri Seyid Bədr əl-Busaidi söhbət zamanı xüsusilə Hörmüz boğazında mövcud gəmiçilik vəziyyətini və bu istiqamətdə nəzərdə tutulan müvəqqəti mexanizmləri müzakirə ediblər.Tərəflər regional sabitliyin qorunması, bu sahədə koordinasiyanın gücləndirilməsi, ikitərəfli məsləhətləşmələrin davam etdirilməsi, eləcə də texniki və ekspert səviyyəsində əməkdaşlığın inkişaf etdirilməsinin vacibliyini vurğulayıblar.Danışıq zamanı İran nümayəndə heyətinin yaxın vaxtlarda Məsqətə səfəri və keçirilmiş danışıqların nəticələri də müsbət qiymətləndirilib. Nazirlər diplomatik kanallar vasitəsilə təmasların davam etdirilməsinin və qarşılıqlı maraq doğuran məsələlər üzrə əməkdaşlığın genişləndirilməsinin əhəmiyyətini qeyd ediblər.
