Mayın 26-da Bakı Apellyasiya Məhkəməsində Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin apellyasiya şikayətləri üzrə ilkin baxış iclasına başlanılıb. Bu şəxslər Ermənistanın Azərbaycana qarşı hərbi təcavüzü ilə bağlı sülh və insanlıq əleyhinə cinayətlər, müharibə cinayətləri və digər ağır əməllərə görə Bakı Hərbi Məhkəməsinin hökmü ilə təqsirli biliniblər.
Elpress.az-ın Qafqazinfo.az-a istinadən verdiyi məlumata əsasən, Məhkəmənin 5 fevral 2026-cı il hökmünə əsasən, Arayik Harutyunyan, Levon Mnatsakanyan, David Manukyan, Davit İşxanyan və David Babayan ömürlük azadlıqdan məhrum edilib. Arkadi Qukasyan və Bako Sahakyan 20 il, Madat Babayan və Melikset Paşayan 19 il, Qarik Martirosyan 18 il, Davit Allahverdiyan və Levon Balayan 16 il, Vasili Beqlaryan, Qurgen Stepanyan və Erik Qazaryan isə 15 il həbs cəzası alıblar.
