ABŞ səfirliyi regiondakı vətəndaşlarını təhlükəsizlik tədbirlərini gücləndirməyə çağırıb
Elpress.az xəbər verir ki, ABŞ-ın İordaniyadakı səfirliyi Yaxın Şərqdə yaşayan və ya səfərdə olan ABŞ vətəndaşlarına təhlükəsizlik xəbərdarlığı edib.Səfirliyin yaydığı müraciətdə vətəndaşlara yüksək ayıqlıq nümayiş etdirmək və regionda mümkün təhlükəsizlik dəyişikliklərinə hazır olmaq tövsiyə olunub. Həmçinin uçuşların təxirə salınması və hava məkanlarının müvəqqəti bağlanması ehtimalının nəzərə alınması istənilib.Açıqlamada ABŞ vətəndaşlarının və ölkənin maraqlarının təhlükəsizliyinə dair əvvəlki vəziyyətin gələcəkdə də eyni qalacağına zəmanət olmadığı vurğulanıb.Səfirlik həmçinin İranın son dövrlərdə regionun müxtəlif ərazilərinə əvvəlcədən xəbərdarlıq edilmədən hücumlar həyata keçirdiyini və mümkün hücumların coğrafiyasını genişləndirdiyini bildirib.
