Aysel Əlibəyli
23 İyul 2026 · 00:37
1030 baxış
Elpress.az xəbər verir ki, Tarif Şurasının növbəti iclasında ölkədə satışda olan bir sıra dərman vasitələrinin qiymətləri yenidən tənzimlənib.
Qərara əsasən, 143 dərman vasitəsinin qiymətinin yuxarı həddi mövcud qanunvericiliyin tələblərinə uyğun şəkildə müəyyənləşdirilib. Qiymətlər dərmanların ticarət adı, farmasevtik forması, təsiredici maddəsi, dozası, qablaşdırılması və istehsal ölkəsi nəzərə alınmaqla təsdiq edilib.
Bildirilib ki, qiyməti təsdiqlənən dərman vasitələrinin tam siyahısı Tarif Şurasının rəsmi internet səhifəsinin “Dərman vasitələri” bölməsində yerləşdirilib.
Qeyd edək ki, yeni qiymətlər barədə qəbul edilən qərar 23 iyul tarixindən qüvvəyə minəcək.
