“Kristal” İtaliyanın tanınmış premium keramika istehsalçısı “Florim” ilə əməkdaşlıq memorandumu imzalayaraq tikinti layihələrində beynəlxalq keyfiyyət standartlarının tətbiqi istiqamətində yeni addım atıb.
Elpress.az-ın Reaksiya.az-a istinadən verdiyi məlumata əsasən, “Kristal” ilə İtaliyanın dünya şöhrətli premium keramika və keramoqranit istehsalçısı “Florim” arasında əməkdaşlıq memorandumu imzalanıb. Sənədə “Kristal”ın Müşahidə Şurasının sədri Mahayət Nəbiyev və “Florim” şirkətinin icraçı direktoru Beatrice Lucchese imza atıblar.Memoranduma əsasən, tərəflər “Kristal”ın həyata keçirdiyi yaşayış layihələrində istifadə olunacaq premium keramika və keramoqranit məhsullarının tədarükü ilə bağlı razılıq əldə ediblər. “Florim” istehsalı olan məhsullar mənzillərin döşəmə və divar üzlüklərində tətbiq ediləcək ki, bu da layihələrdə keyfiyyət, estetik görünüş və uzunömürlülük göstəricilərinin daha da yüksəldilməsinə töhfə verəcək.Əməkdaşlığın tikinti materiallarının təchizatında uzunmüddətli və sistemli yanaşmanın formalaşmasına, həmçinin beynəlxalq standartlara cavab verən məhsulların Azərbaycanda həyata keçirilən layihələrdə daha geniş istifadə edilməsinə şərait yaradacağı bildirilir.Qeyd edək ki, 1962-ci ildə İtaliyada təsis olunan “Florim” premium keramika və keramoqranit istehsalı sahəsində dünyanın aparıcı şirkətlərindən biri hesab olunur. Müasir texnologiyalar, innovativ istehsal üsulları, yüksək keyfiyyət standartları və davamlı inkişaf prinsipləri ilə seçilən şirkətin məhsulları dünyanın müxtəlif ölkələrində yaşayış, kommersiya və ictimai təyinatlı tikililərdə geniş tətbiq edilir.İmzalanan memorandum “Kristal” və “Florim” arasında uzunmüddətli strateji tərəfdaşlığın əsasını qoyur və gələcək layihələrdə beynəlxalq səviyyədə tanınan məhsulların istifadəsini nəzərdə tutur.
