Azərbaycan gəmilərdə istifadə olunan zərərli çirklənmə əleyhinə sistemlərə nəzarəti nəzərdə tutan beynəlxalq konvensiyaya qoşulmağa hazırlaşır.
Sənədə əsasən, gəmilərin gövdəsində tətbiq edilən və dəniz mühitinə mənfi təsir göstərən bəzi çirklənmə əleyhinə maddələrin istifadəsinə məhdudiyyətlər qoyulur. Konvensiyanın məqsədi dəniz ekosisteminin qorunması, su hövzələrinin çirklənməsinin qarşısının alınması və beynəlxalq ekoloji standartların tətbiqinin genişləndirilməsidir. Elpress.az xəbər verir ki, Bu addım Azərbaycanın dəniz nəqliyyatı sahəsində beynəlxalq öhdəliklərinin genişlənməsinə, həmçinin ətraf mühitin mühafizəsi istiqamətində görülən tədbirlərin gücləndirilməsinə xidmət edəcək.Qeyd edək ki, konvensiya dünya üzrə gəmiçilik fəaliyyətinin ekoloji təhlükəsizlik prinsiplərinə uyğun həyata keçirilməsini təşviq edən mühüm beynəlxalq sənədlərdən biri hesab olunur.
