Aysel Əlibəyli
08 İyun 2026 · 18:44
1120 baxış
İxracın və İnvestisiyaların Təşviqi Agentliyində (AZPROMO) Azərbaycanda səfərdə olan Pakistan nümayəndə heyəti ilə görüş keçirilib.
Görüş zamanı Azərbaycanın investisiya imkanları, iqtisadi zonalarda yaradılan infrastruktur, eləcə də investorlar üçün tətbiq edilən güzəştlər barədə ətraflı məlumat verilib. Elpress.az xəbər verir ki, Tərəflər sənaye infrastrukturu, tekstil və geyim istehsalı, pərakəndə ticarət, qida sənayesi, səhiyyə texnologiyaları, tibbi turizm və daşınmaz əmlak sahələrində əməkdaşlıq perspektivlərini müzakirə ediblər.Sonda qarşılıqlı məlumat mübadiləsinin genişləndirilməsi barədə razılıq əldə olunub və Pakistan tərəfi sentyabrda Bakıda keçirilməsi planlaşdırılan 2-ci Azərbaycan Beynəlxalq İnvestisiya Forumuna dəvət edilib.
