Aysel Əlibəyli
03 Avqust 2026 · 15:59
1026 baxış
Lənkəranda telefonda bərk səslə musiqi dinlədiyi üçün həyat yoldaşını döyən şəxs barışıq sayəsində cəzadan qurtuldu
Elpress.az xəbər verir ki, Lənkəran rayonunun qəsəbələrindən birində ər-arvad arasında şiddətlə nəticələnən münaqişə baş verib. Məlumata görə, kişinin gecə yarısı mobil telefonunda yüksək səslə musiqi dinləməsi həyat yoldaşının etirazına səbəb olub. Düşən mübahisə zamanı kişi qadının üz nahiyəsinə yumruq və şillə zərbələri endirərək ona müxtəlif xəsarətlər yetirib.Hadisə ilə bağlı Cinayət Məcəlləsinin 128-ci maddəsi (qəsdən sağlamlığa yüngül zərər vurma) ilə iş açılsa da, məhkəmə prosesində tərəflərin barışdığı nəzərə alınıb. Nəticədə təqsirləndirilən şəxs cinayət məsuliyyətindən azad edilib və işə xitam verilib.
