Aysel Əlibəyli
13 Sentyabr 2026 · 20:23
1074 baxış
Toy karvanında hərəkət edən “Mercedes” idarəetmədən çıxaraq yol kənarındakı işıq dirəyinə çırpılıb
Elpress.az xəbər verir ki, Gəncədə toy karvanında hərəkət edən gəlin maşını qəzaya uğrayıb.Hadisə Nizami Gəncəvi prospektində baş verib. Prospektlə hərəkətdə olan “Mercedes” markalı minik avtomobili idarəetmədən çıxaraq yol kənarındakı işıq dirəyinə çırpılıb.Məlumata görə, avtomobili bəy idarə edib. Qəza zamanı bəy və gəlin xəsarət almayıb. Lakin avtomobilə və işıq təsərrüfatına ciddi ziyan dəyib.Hadisədən sonra bəy və gəlin başqa avtomobillə toy mərasiminin keçirildiyi məkana yollanıblar.Faktla bağlı polis əməkdaşları tərəfindən araşdırma aparılır.
