Aysel Əlibəyli
14 Avqust 2026 · 10:50
1024 baxış
Ağsu, Cəlilabad, Sabirabad və Saatlıda yanğına səbəb olan 5 şəxs məsuliyyətə cəlb edilib
Elpress.az xəbər verir ki, Ağsu, Cəlilabad, Sabirabad və Saatlı rayonlarında baş verən yanğınlarla bağlı 5 nəfər məsuliyyətə cəlb olunub.Daxili İşlər Nazirliyinin məlumatına görə, yanğın hadisələri Ərəbmehdibəyli, Alar, Nərimankənd və Qaracalar kəndləri ərazilərində qeydə alınıb. Polis əməkdaşlarının apardığı araşdırmalar nəticəsində yanğınlara həmin rayonların sakinləri H.Məmmədov, F.Fərəcov, M.Əzizov, S.Şahəliyev və R.Mecdinovun səbəb olduğu müəyyənləşdirilib.Hadisələr nəticəsində ümumilikdə 2 hektara yaxın ərazidə biçilmiş əkin sahəsi və kol-kos yanıb.
Faktlarla bağlı həmin şəxslər barəsində qanunvericiliyə uyğun tədbirlər görülüb.
