IV siniflər üzrə iyunun 5-də, VI siniflər üzrə isə iyunun 6-da nəzərdə tutulan monitorinqlər səbəbindən paytaxtda mərkəz olaraq müəyyən edilmiş ümumi təhsil müəssisələrində tədris onlayn formatda həyata keçiriləcək.
Elpress.az-ın Apa.az-a istinadən verdiyi məlumata əsasən, Bakı Şəhəri üzrə Təhsil İdarəsindən verilən məlumata görə, IV siniflər üzrə iyunun 5-də keçiriləcək monitorinqlə əlaqədar 108 monitorinq mərkəzində həmin siniflərdən başqa bütün siniflər üçün, iyunun 6-da isə 6 günlük iş rejimində çalışan məktəblərdə VI siniflər istisna olmaqla digər şagirdlər üçün dərslər fasiləsizliyin qorunması məqsədilə distant formatda təşkil ediləcək.Məlumatda vurğulanıb ki, monitorinqin nəticələri şagirdlərin summativ qiymətləndirilməsinə, eləcə də növbəti sinfə keçirilməsinə heç bir təsir göstərməyəcək.Həmçinin qeyd olunub ki, şagirdlərin bilik və bacarıqlarının qiymətləndirilməsi məqsədilə ölkə üzrə 300 mindən artıq IV və VI sinif şagirdi monitorinqə cəlb ediləcək. Bu proses çərçivəsində 13 552 şagirdin kompüter əsaslı qiymətləndirmədə iştirakı planlaşdırılır.
