ƏƏSMN-dən xəbərdarlıq: Yaşı 18-dən az olan işçilərin əmək hüquqları və iş rejiminə dair xüsusi qadağalar açıqlanıb
Elpress.az xəbər verir ki, Əmək və Əhalinin Sosial Müdafiəsi Nazirliyinin məlumatına görə, qanunvericiliyə əsasən, yaşı 18-dən az olan işçilərin gecə vaxtı işlərə, iş vaxtından artıq saatlara, istirahət və bayram günlərində işə cəlb edilməsi, eləcə də ezamiyyətə gönderilməsi qadağandır. Həmçinin bu kateqoriyadan olan şəxslərlə müqavilə bağlandıqda sınaq müddəti müəyyən edilmir, attestasiya keçirilmir və ixtisas yetərsizliyi bəhanəsilə müqaviləyə xitam verilə bilməz.İş vaxtı 16 yaşınadək şəxslər üçün həftədə maksimum 24 saat, 16–18 yaşlılar üçün isə 36 saat müəyyən edilib; illik əmək məzuniyyəti müvafiq olaraq ən azı 42 və 35 təqvim günüdür. Yaşı 18-dən az olanların ağır, zərərli, yeraltı işlərdə, gecə klublarında, eləcə də spirtli içki, tütün və toksik preparatların istehsalı və satışı kimi sahələrdə çalışması qadağandır.
