ABŞ Prezidenti Donald Trump İranla əldə olunan razılaşmanın iyunun 14-də imzalanmasının planlaşdırıldığını açıqlayıb.
Elpress.az xəbər verir ki, o, bu barədə “Truth Social” platformasında paylaşım edib.Tramp bildirib ki, hazırkı razılaşma nüvə silahlarının yayılmasının qarşısını almağa yönəlib və keçmişdə imzalanan nüvə sazişindən fərqli olaraq daha sərt təhlükəsizlik mexanizmlərini ehtiva edir.ABŞ liderinin sözlərinə görə, Tehran nüvə silahına malik olmayacaq və belə bir proqramın həyata keçirilməsinə imkan verilməyəcək. O qeyd edib ki, sazişin qüvvəyə minməsindən sonra Hörmüz boğazının beynəlxalq gəmiçilik üçün tam açıq olması gözlənilir.Tramp həmçinin Vaşinqton və Tehran arasında münasibətlərin əvvəlki dövrlərlə müqayisədə daha konstruktiv məcrada inkişaf etdiyini vurğulayıb. Onun sözlərinə görə, ABŞ gələcəkdə İran və region ölkələri ilə əməkdaşlığın genişlənməsində maraqlıdır.Ağ Ev rəhbəri əlavə edib ki, razılaşma çərçivəsində zənginləşdirilmiş uranın İrandan çıxarılması da nəzərdə tutulur.
