Elşən
07 May 2026 · 16:22
20 baxış
Çinin keçmiş müdafiə nazirləri, general-polkovniklər Li Şanfu və Vey Fenxe korrupsiya ittihamı ilə ölüm cəzasına məhkum ediliblər.
Elpress.az-ın verdiyi məlumata görə, hər iki sabiq nazir 2024-cü ildə hərbi rütbələrindən məhrum olunub və Çin Kommunist Partiyasından uzaqlaşdırılıb.
Məlumata əsasən, Si Cinpinin rəhbərliyi ilə aparılan korrupsiyaya qarşı geniş kampaniya çərçivəsində əsas diqqət ordu daxilindəki qanunsuzluqlara yönəlib.
Qeyd edək ki, Li Şanfu 2023-cü ilin mart-oktyabr aylarında, Vey Fenxe isə 2018-ci ilin martından 2023-cü ilin martınadək Çinin müdafiə naziri postunu tutub.
Xatırladaq ki, Çində ölüm hökmü bəzi hallarda müəyyən müddət ərzində yeni cinayət törədilmədiyi təqdirdə ömürlük həbs cəzası ilə əvəz edilə bilir.
