Milli Məclis Azərbaycanın Portuqaliya Respublikasındakı səfirliyinin təsis olunmasını təsdiqləyib.
Elpress.az xəbər verir ki, məsələ parlamentin növbədənkənar sessiyasının iyunun 12-də keçirilən iclasında müzakirə olunaraq qəbul edilib.Qərara əsasən, Azərbaycanın diplomatik nümayəndəliyi Portuqaliyanın paytaxtı Lissabon şəhərində fəaliyyət göstərəcək.Müzakirələr zamanı deputat Samir Vəliyev Azərbaycan və Portuqaliya arasında münasibətlərin dostluq və qarşılıqlı əməkdaşlıq prinsipləri üzərində qurulduğunu bildirib. Onun sözlərinə görə, Lissabonda səfirliyin açılması iki ölkə arasındakı siyasi, iqtisadi və humanitar əlaqələrin inkişafına, eləcə də parlamentlərarası əməkdaşlığın genişlənməsinə müsbət təsir göstərəcək.Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov da çıxışında Azərbaycan-Portuqaliya əlaqələrinin uğurla inkişaf etdiyini vurğulayıb. O qeyd edib ki, yaxın zamanda Portuqaliyanın da Azərbaycanda səfirliyi fəaliyyətə başlayacaq.
