Aysel Əlibəyli
19 İyul 2026 · 17:00
1038 baxış
Rusiyanın ən hündür zirvəsi olan Elbrus dağında iki alpinistin iştirakı ilə ağır bədbəxt hadisə baş verib.
Elpress.az xəbər verir ki, bu barədə Rusiya Fövqəladə Hallar Nazirliyinin axtarış-xilasetmə dəstəsi məlumat yayıb.
Bildirilib ki, hadisə təxminən 4200–4600 metr yüksəklikdə qeydə alınıb. Dağa qalxan iki alpinist naməlum səbəbdən yüksəklikdən yıxılıb.
Qəza nəticəsində alpinistlərdən biri həyatını itirib, digəri isə müxtəlif dərəcəli bədən xəsarətləri alıb.
Hazırda hadisənin başvermə səbəbləri araşdırılır. Xilasetmə qrupları zərərçəkənə yardım göstərib, həlak olan alpinistin cəsədi isə ərazidən çıxarılıb.
