Elşən
13 May 2026 · 11:25
25 baxış
Bakının Binəqədi rayonu, həmçinin Sumqayıt şəhəri və Abşeron rayonunun bəzi ərazilərində su təchizatında müvəqqəti məhdudiyyət tətbiq olunacaq.
Yenicag.az xəbər verir ki, Azərbaycan Dövlət Su Ehtiyatları Agentliyinin İri Şəhərlərin Birləşmiş Su Təchizatı Xidmətinin yaydığı məlumata əsasən, fasilə magistral su xəttində aparılan təmir və yenilənmə işləri ilə əlaqədardır.
Qeyd olunub ki, su təchizatının daha səmərəli idarə olunması məqsədilə qəzalı hissə dəyişdirilir, eyni zamanda yeni siyirtmələr quraşdırılır.
Bu səbəbdən mayın 14-ü səhər saatlarından başlayaraq mayın 16-sı günorta saatlarınadək bəzi ərazilərə suyun verilməsi dayandırılacaq.
