Aysel Əlibəyli
14 Avqust 2026 · 13:23
1008 baxış
Füzulidə hamilə qadının doğuşu yolda baş verib, ana və körpənin vəziyyəti stabildir
Elpress.az xəbər verir ki, Füzulidə doğuş sancıları başlayan hamilə qadın təcili tibbi yardım avtomobilində uşaq dünyaya gətirib.TƏBİB-in məlumatına görə, doğuş sancısı ilə bağlı daxil olan çağırışdan sonra tibbi briqada ünvana cəlb olunub. Qadın xəstəxanaya aparılarkən vəziyyəti ağırlaşıb və həkimlərin operativ müdaxiləsi nəticəsində doğuş təcili tibbi yardım avtomobilində həyata keçirilib.Çəkisi 3,5 kiloqram, boyu 53 santimetr olan oğlan uşağı dünyaya gəlib. Ana və körpə daha sonra Füzuli Rayon Mərkəzi Xəstəxanasının Doğum şöbəsinə yerləşdirilib.Hazırda ana və yenidoğulmuşun vəziyyəti stabildir və onlara zəruri tibbi xidmət göstərilir.
