Abşeron Rayon Mərkəzi Xəstəxanasında kompüter tomoqrafiyası (KT) cihazının olmaması ilə bağlı məsələ gündəmə gəlib.
Elpress.az “Qafqazinfo”ya istinadən xəbər verir ki, tanınmış vəkil Fərhad Mehdiyevin 17 yaşlı qızının Bakı–Sumqayıt yolunda baş verən ağır yol-nəqliyyat hadisəsi zamanı xəstəxanaya çatdırıldığı, lakin orada KT müayinəsinin aparılmadığı bildirilib.Vəkil açıqlamasında qeyd edib ki, pasiyentin vəziyyəti ağır olduğundan onu başqa tibb müəssisəsinə köçürmək mümkün olmayıb. Onun sözlərinə görə, xəstəxanada KT cihazının olmaması vəziyyəti daha da çətinləşdirib.KT müayinəsi daxili orqanlar, sümüklər və damarların detallı görüntüsünü əldə etməyə imkan verən əsas diaqnostik üsullardan biridir və bir çox xəstəxanalarda geniş istifadə olunur.Məlumata görə, Abşeron Rayon Mərkəzi Xəstəxanası əvvəllər KT xidməti göstərsə də, bir müddətdir texniki nasazlıq səbəbindən cihazın fəaliyyəti dayanıb.Məsələ ilə bağlı aidiyyəti qurumlara sorğu ünvanlansa da, hələlik rəsmi cavab verilməyib.
