Aysel Əlibəyli
21 İyun 2026 · 20:07
1106 baxış
Bu gün ölkədə ilin ən uzun gündüzü və ən qısa gecəsi müşahidə olunur. Yay fəslinin başlanğıcı iyunun 21-i saat 12:24-də qeydə alınıb və bu an yay günəş duruşu baş verib.
Bakı Dövlət Universitetinin Astrofizika kafedrasının məlumatına görə, bu hadisə zamanı Şimal yarımkürəsində astronomik yay fəsli, Cənub yarımkürəsində isə qış fəsli başlayır. Bu zaman Yer oxunun Günəşə meyilliyi ən əlverişli vəziyyətə çatır və Günəş səmada ilin ən yüksək nöqtəsinə qalxır.Bakıda Günəş günorta vaxtı üfüqdən təxminən 73.1° hündürlükdə müşahidə olunur. Nəticədə gündüzün müddəti 15 saat 03 dəqiqə 24 saniyə, gecə isə 8 saat 56 dəqiqə 36 saniyə olur.Yay fəslinin ümumi müddəti isə təxminən 93 gün 15 saat 40 dəqiqə 42 saniyə davam edəcək.
