Mərakeş İspaniya anklavlarına qanunsuz miqrasiya kəskin artmasının səbəblərini açıqladı
Elpress.az xəbər verir ki, Mərakeş Daxili İşlər Nazirliyi ölkədən İspaniyaya məxsus Seuta və Melilya anklavlarına qeyri-qanuni miqrant axınının kəskin artması ilə bağlı rəsmi bəyanat yayıb. Nazirlik bildirib ki, bu kütləvi axına sosial şəbəkələrdəki dezinformasiyalar, insan alveri ilə məşğul olan şəbəkələrin fəaliyyəti və İspaniya məhkəmə qərarlarının yanlış təfsir edilməsi səbəb olub. Məhz bu yanlış şərhlər miqrantlarda sərhədi keçməyin asanlaşması və hüquqi nəticələrinin az olacağı barədə yanlış təəssürat yaradıb.Açıqlanan rəsmi rəqəmlərə görə, 40 minə yaxın şəxs Seuta, 1135 nəfər isə Melilya ərazisinə qanunsuz keçməyə cəhd edib. İyulun 30-da Fenidek sahillərindən başlayan bu cəhdlər zamanı 90 miqrant həlak olub, 1149 nəfərə tibbi yardım göstərilib. İspaniya bölgəyə əlavə hərbi qüvvələr cəlb edərək sərhədi gücləndirib və avqustun 1-nə olan məlumata əsasən, 69 min 500-dən çox miqrant artıq Mərakeşə geri qaytarılıb.
