Bu gündən etibarən Azərbaycanda Hicri təqvimin ilk ayı olan Məhərrəm ayı başlayıb.
Elpress.az xəbər verir ki, Məhərrəm ayının ilk günü Türk Dövlətləri Təşkilatı Müsəlman Dini İdarə rəhbərləri Şurasının Fətva şöbəsinin hazırladığı təqvim, eləcə də Şamaxı Astrofizika Rəsədxanasının hesablamalarına əsasən miladi təqvimlə iyunun 16-na təsadüf edir. Aşura günü isə iyunun 25-də qeyd olunacaq.Qafqaz Müsəlmanları İdarəsinin Qazılar Şurası Məhərrəm və Səfər aylarında keçirilən əzadarlıq mərasimləri ilə bağlı dindarlara bir sıra tövsiyələr verib. Bildirilib ki, müxtəlif alətlərlə bədənə xəsarət yetirmək, qan çıxarmaq və digər bu kimi əməllər dini baxımdan məqbul hesab edilmir.Eyni zamanda vurğulanıb ki, dini mərasimlər qanunvericiliyin tələblərinə uyğun olaraq məscidlərdə, ziyarətgahlarda və onlara aid ərazilərdə keçirilməlidir.Qeyd olunub ki, hər il olduğu kimi, bu il də paytaxt və bölgələrdə yerləşən qan banklarında, eləcə də tibb müəssisələrində qanvermə aksiyalarının təşkili nəzərdə tutulur.
