Elpress.az xəbər verir ki, paytaxtın bəzi küçələrində aparılan təmir işləri ilə əlaqədar bir sıra avtobus marşrutlarının hərəkət sxemi müvəqqəti olaraq dəyişdirilir.
Məlumata görə, Hüseyn Cavid prospektinin Seyfəddin Dağlı küçəsindən Mikayıl Müşfiq küçəsinədək olan hissəsində, həmçinin Ayna Sultanova küçəsinin Hüseyn Cavid prospektindən Mətbuat prospektinədək olan ərazisində nəqliyyatın hərəkətinə məhdudiyyət tətbiq edilib.
Məhdudiyyətlə əlaqədar olaraq 3, 6, 10, 18, 39, 77 və 206 nömrəli müntəzəm avtobus marşrutları müvəqqəti olaraq alternativ istiqamətlər üzrə fəaliyyət göstərəcək.
Belə ki, qeyd olunan marşrutların hərəkəti Mətbuat prospekti, Məmməd Rəhim, Qurban Xəlilov və Ələsgər Ələkbərov küçələri vasitəsilə təşkil olunacaq.
Sərnişinlərə səfərlərini planlaşdırarkən yaranmış dəyişiklikləri nəzərə almaları tövsiyə olunur.
