ABŞ Prezidenti Donald Tramp iyulun 7-də geniş tərkibli nümayəndə heyəti ilə Türkiyəyə rəsmi səfər edəcək. Səfər çərçivəsində bir sıra yüksək səviyyəli görüşlərin keçirilməsi planlaşdırılır.
Elpress.az-ın məlumatına əsasən, ABŞ Prezidenti Donald Tramp iyulun 7-də təxminən 1000 nəfərlik nümayəndə heyəti ilə Türkiyəyə rəsmi səfər edəcək. Səfər liderlərin sammitindən bir gün əvvəl baş tutacaq və proqram çərçivəsində yüksək səviyyəli görüşlər keçiriləcək.Məlumata görə, Tramp Ankaradakı Prezident Kompleksində rəsmi qarşılanma mərasimi ilə qəbul olunacaq. Daha sonra o, Türkiyə Prezidenti Rəcəb Tayyib Ərdoğanla əvvəlcə təkbətək görüş keçirəcək, ardınca isə nümayəndə heyətlərinin iştirakı ilə geniş tərkibli danışıqlar aparılacaq.Görüşlərin yekununda Donald Tramp və Rəcəb Tayyib Ərdoğanın birgə mətbuat konfransı keçirməsi də gözlənilir. Tərəflərin ikitərəfli münasibətlər, regional təhlükəsizlik və digər aktual məsələləri müzakirə edəcəyi bildirilir.Səfər çərçivəsində ABŞ Prezidentinin xüsusi təhlükəsizlik tədbirləri də diqqət çəkir. Belə ki, Donald Tramp Türkiyəyə prezident limuzinini və prezident helikopterini də gətirəcək.
