Aysel Əlibəyli
08 İyul 2026 · 11:05
1046 baxış
Bakı–Naxçıvan marşrutu üzrə hava nəqliyyatında yaranan fasilə aradan qaldırılıb və uçuşlar yenidən normal rejimdə həyata keçirilir.
Elpress.az xəbər verir ki, “Azərbaycan Hava Yolları” QSC-nin (AZAL) Bakı–Naxçıvan istiqamətindəki reysləri bərpa olunub.
Məlumata görə, bölgədə hava şəraitinin sabitləşməsindən sonra aviareyslərin icrası yenidən cədvələ uyğun təşkil edilib.
Qeyd edək ki, daha əvvəl əlverişsiz meteoroloji şərait səbəbindən bu marşrut üzrə bir sıra uçuşlar təhlükəsizlik məqsədilə təxirə salınmışdı. Hazırda isə reyslər normal qrafik əsasında yerinə yetirilir.
