Azərbaycanın xarici işlər naziri Ceyhun Bayramov ilə Özbəkistanın xarici işlər naziri Baxtiyor Saidov arasında telefon danışığı olub.
Söhbət zamanı Azərbaycan-Özbəkistan münasibətlərinin gündəliyində duran məsələlər, yüksək səviyyəli təmaslar və əldə olunmuş razılaşmaların icra vəziyyəti nəzərdən keçirilib.
Elpress.az xəbər verir ki, Nazirlər ticarət, investisiya, nəqliyyat, logistika, enerji və iqtisadiyyatın digər sahələrində əməkdaşlığın genişləndirilməsi imkanları barədə fikir mübadiləsi aparıblar. Həmçinin qarşıdakı dövrdə müxtəlif səviyyələrdə keçirilməsi planlaşdırılan tədbirlərin qrafiki müzakirə olunub.Telefon danışığında Türk Dövlətləri Təşkilatı, Birləşmiş Millətlər Təşkilatı və digər çoxtərəfli platformalar çərçivəsində əməkdaşlıq məsələləri də diqqət mərkəzində olub.Tərəflər sonda qarşılıqlı maraq doğuran regional və beynəlxalq mövzular ətrafında fikir mübadiləsi aparıblar.
