Yasamal ərazisində yerləşən obyektdə yaranan yanğın operativ tədbirlər nəticəsində söndürülüb.
Fövqəladə Hallar Nazirliyinin qüvvələrinin çevik və operativ müdaxiləsi nəticəsində Bakı şəhərinin Yasamal rayonu, Həsən bəy Zərdabi küçəsində yerləşən çoxmərtəbəli yaşayış binasının aşağı mərtəbəsində fəaliyyət göstərən obyektdə baş vermiş yanğın qısa müddət ərzində lokallaşdırılaraq tam söndürülüb.Nazirliyin mətbuat xidmətindən verilən məlumata əsasən, hadisə yerinə dərhal cəlb olunan yanğınsöndürmə qüvvələri alovun ətraf ərazilərə və binanın digər hissələrinə yayılmasının qarşısını alıblar. Təhlükəsizlik tədbirləri çərçivəsində yaşayış binasının sakinləri vaxtında təxliyə edilərək təhlükəsiz əraziyə köçürülüblər.Görülən operativ tədbirlər sayəsində yanğın nəzarət altına alınıb və hadisə nəticəsində xəsarət alan qeydə alınmayıb. Hazırda baş vermiş yanğının səbəblərinin müəyyənləşdirilməsi istiqamətində araşdırmalar aparılır.
