Dövlət İmtahan Mərkəzi (DİM) 14 iyun 2026-cı il tarixində keçirilən magistraturaya qəbul imtahanının ikinci cəhdi üzrə yekun nəticələri, o cümlədən esse qiymətləndirilmələri ilə birlikdə ictimaiyyətə təqdim edib.
Dövlət İmtahan Mərkəzi (DİM) 14 iyun 2026-cı il tarixində keçirilmiş magistraturaya qəbul imtahanının ikinci cəhdi üzrə yekun nəticələri elan edib. Nəticələrə xarici dil fənləri üzrə esse tapşırıqlarının qiymətləndirilməsi də daxil edilib və bununla da iştirakçıların yekun imtahan balları müəyyənləşdirilib.Bakalavrlar əldə etdikləri yekun nəticələrlə DİM-in elektron xidmətləri vasitəsilə tanış ola bilərlər. Bundan əlavə, mobil operatorlar – Azercell, Bakcell və Nar abonentləri “iş nömrəsi”ni 7727 qısa nömrəsinə göndərməklə də imtahan nəticələrini öyrənə bilərlər.Qəbul qaydalarına uyğun olaraq müsabiqə şərtlərini ödəyən namizədlər magistratura üzrə ixtisaslaşma seçimi mərhələsinə buraxılacaqlar. İxtisas seçimi “Magistratura səviyyəsi üzrə ixtisaslaşma seçimi cədvəli” əsasında həyata keçiriləcək. Həmin cədvəlin “Magistr” jurnalının növbəti nömrəsində dərc olunacağı bildirilib.İmtahan nəticələri ilə bağlı narazılığı olan iştirakçılar üçün DİM tərəfindən apellyasiya prosesi də təşkil ediləcək. Apellyasiya müraciətləri 8 iyul 2026-cı il tarixindən etibarən telefon əlaqəsi vasitəsilə araşdırılacaq.Apellyasiya Komissiyasına müraciət etmək istəyən şəxslər 6 iyul saat 10:00-dan 8 iyul saat 17:00-dək DİM-in rəsmi internet səhifəsində yerləşdiriləcək elektron ərizəni dolduraraq qeydiyyatdan keçməlidirlər. Müəyyən edilmiş vaxt ərzində qeydiyyatdan keçməyən namizədlərin sonradan apellyasiya müraciəti etmək hüququ olmayacaq.Qeyd edək ki, qapalı və kodlaşdırıla bilən açıq tipli 95 imtahan tapşırığı üzrə nəticələr hələ iyunun 17-də açıqlanmışdı. Hazırda isə xarici dil üzrə esse nəticələrinin də əlavə olunması ilə yekun bal elan edilib. İştirakçılar test tapşırıqları üzrə maksimum 95, esse üzrə isə 5 bal olmaqla ümumilikdə 100 bal toplamaq imkanına malik olubla
