ABŞ-ın vitse-prezidenti Ceyms Devid Vens Livanda atəşkəslə bağlı müəyyən irəliləyiş əldə olunduğunu bildirib.
Elpress.az-ın məlumatına əsasən, açıqlamasında İsrailin özünümüdafiə hüququnu vurğulayaraq, Hizbullah qruplaşmasına qarşı həyata keçirilən əməliyyatları şərh edib. Vens qeyd edib ki, tərəflər arasında aparılan danışıqlar fonunda vəziyyətin daha sakit istiqamətdə inkişaf etməsi mümkündür.Vitse-prezident bildirib ki, son günlər Livandakı vəziyyətdə müəyyən sakitlik müşahidə olunur və diplomatik səylər nəticəsində irəliləyiş əldə edilir.Vens həmçinin İsrailin Livan ərazisini ələ keçirmək niyyətində olmadığını, əsas məqsədinin cənubi Livanda yerləşən Hizbullah qüvvələrindən təhlükəsizliyini təmin etmək olduğunu deyib. Onun sözlərinə görə, həm Livanın ərazi bütövlüyünü qorumaq, həm də İsrailin təhlükəsizliyini təmin etmək mümkündür.
