Aysel Əlibəyli
19 İyun 2026 · 18:41
1098 baxış
İsrail ordusunun Livana endirdiyi zərbələr nəticəsində həyatını itirənlərin sayı 47 nəfərə çatıb.
Elpress.az xəbər verir ki, bu barədə Livan Səhiyyə Nazirliyi məlumat yayıb.Məlumata görə, hücumlar zamanı azı 97 nəfər müxtəlif dərəcəli xəsarətlər alıb.Bildirilib ki, İsrail Hərbi Hava Qüvvələri gecə saatlarından etibarən Livanın cənubunda yerləşən bir sıra yaşayış məntəqələrinə zərbələr endirib. Nəticədə çoxsaylı insan itkisi və yaralanma halları qeydə alınıb.Qeyd edək ki, bundan əvvəl İsrail və Hezbollah arasında atəşkəs razılaşmasının əldə olunduğu açıqlanmışdı.İsrailin milli təhlükəsizlik naziri Itamar Ben-Gvir isə açıqlamasında Livana qarşı sərt bəyanatlar səsləndirib.
