“Qarabağ”ın müdafiəçisi Mateus Silva karyerasını Azərbaycandan kənarda davam etdirməyə hazırlaşdığını açıqlayıb.
Elpress.az xəbər verir ki, braziliyalı futbolçu ölkə mətbuatına müsahibəsində doğma vətəninə qayıtmaq istədiyini və bunun üçün artıq bir neçə klubdan təklif aldığını bildirib.29 yaşlı müdafiəçi Azərbaycanda keçirdiyi dövrü yüksək qiymətləndirdiyini desə də, yeni çağırışlara ehtiyac duyduğunu vurğulayıb.
Onun sözlərinə görə, mövsümün əvvəlində də Braziliya klublarından təkliflər alsa da, “Qarabağ” rəhbərliyi komandanın maraqlarını nəzərə alaraq mövsümün sonuna qədər qalmasını istəyib.
Mateus Silva hazırkı vəziyyətin fərqli olduğunu qeyd edərək, karyerasını Braziliyada davam etdirməyə hazır olduğunu bildirib.Qeyd edək ki, Mateus Silva 2023-cü ildən “Qarabağ”ın formasını geyinir və bu müddətdə komandanın uğurlarında mühüm pay sahibi olub.
