Aysel Əlibəyli
26 İyun 2026 · 18:06
1056 baxış
Elpress.az “Report”a istinadən xəbər verir ki, Bakıda keçiriləcək “UFC Fight Night Baku” turniri ərəfəsində MMA idmançıları ənənəvi üzbəüz mərasimində bir araya gəliblər.
Milli Gimnastika Arenasında baş tutan tədbirdə döyüşçülər rəqibləri ilə son dəfə üz-üzə gəlib, həmçinin rəsmi çəkidən keçiblər.
Turnirin əsas qarşılaşmasında Azərbaycan təmsilçisi Rafael Fiziyev yüngül çəkidə meksikalı Manuel Torres ilə qüvvəsini sınayacaq.
Gecədə digər azərbaycanlı idmançılar da oktaqona çıxacaqlar. Nazim Sadıxov braziliyalı Mateus Camilo ilə, Fərman Həsənov amerikalı Erik Nolan ilə, Tahir Abdullayev isə braziliyalı Ceferson Nascimento ilə qarşılaşacaq.
Qeyd edək ki, “UFC Fight Night Baku” turniri iyunun 27-də təşkil olunacaq.
