Bu ilin ilk altı ayında Azərbaycanda işsizlikdən sığorta haqları üzrə daxilolmalar 122,1 milyon manata çatıb.
Elpress.az xəbər verir ki, Dövlət Vergi Xidmətinin məlumatına görə, bu göstərici proqnozu 6 milyon manat üstələyib.
Qeyri-büdcə təşkilatları üzrə daxilolmalar isə 92,5 milyon manatdan çox olub.Eyni dövrdə məcburi dövlət sosial sığorta haqları üzrə daxilolmalar 3 milyard 422,7 milyon manat təşkil edib ki, bu da proqnozdan 189,9 milyon manat artıqdır. Qeyri-büdcə sektoru üzrə daxilolmaların həcmi 2 milyard 244,9 milyon manatı ötüb.
Bununla yanaşı, icbari tibbi sığorta haqları üzrə daxilolmalar 517,1 milyon manatdan çox olub. Bu istiqamətdə də proqnoz 13 milyon manat üstələnib, qeyri-büdcə təşkilatları üzrə daxilolmalar isə 337,4 milyon manatı keçib.
