İyunun 6-da Azərbaycan Respublikası Vəkillər Kollegiyasının Rəyasət Heyətinin növbəti iclası keçirilib.
Elpress.az xəbər verir ki, iclasda Kollegiyanın sədri Anar Bağırov qurumun cari fəaliyyəti və qarşıda duran vəzifələrlə bağlı məlumat verib.Gündəlik üzrə müxtəlif vəkillərin müraciətlərinə baxılıb. Dövlət qulluğuna qəbul və ya fəaliyyəti ilə əlaqədar olaraq bəzi vəkillərin fəaliyyətinin dayandırılması və bərpası, eləcə də şəxsi müraciətlər əsasında vəkillik fəaliyyətinə xitam verilməsi kimi məsələlər üzrə qərarlar qəbul olunub.Eyni zamanda, “Fortis” Vəkil Bürosunun təsis edilməsi və bir sıra vəkillərin vəkil kabineti yaratmaq təşəbbüsləri də müzakirə edilərək təsdiqlənib.İclasda həmçinin digər təşkilati və cari məsələlərə dair qərarlar qəbul olunub.
