--:--:-- | 07 Noyabr 2026, Şənbə
Son Xəbər
Yüklənir...

Avropa Şurasının rəsmisi Azərbaycanla əməkdaşlığı yüksək qiymətləndirdi

Aysel Əlibəyli 28 Oktyabr 2026 · 15:05 1108 baxış

Avropa Şurası Baş katibinin xüsusi nümayəndəsi İrene Kitsou Azərbaycanın təşkilatla uzun illərdir davam edən əməkdaşlığını və dinlərarası dialoqun təşviqinə verdiyi töhfəni yüksək qiymətləndirib.

Elpress.az xəbər verir ki, o, bu fikirləri Bakıda keçirilən VII Ümumdünya Mədəniyyətlərarası Dialoq Forumu çərçivəsində Heydər Əliyev Mərkəzində təşkil olunan “Dinlərin dialoqu: Ortaq gələcəyə yol xəritəsi” adlı tədbirdə səsləndirib.

Kitsou bildirib ki, Azərbaycanın konstitusiya ənənələri, birgəyaşayış və dinlərarası dialoq prinsipləri cəmiyyətin əsas dəyərləri sırasındadır. O, Avropa Şurasının Baş katibinin Xüsusi Nümayəndəsinin Ofisinə Azərbaycanın göstərdiyi dəstəyi də xüsusi vurğulayıb.

Xüsusi nümayəndə xatırladıb ki, Azərbaycanın təşəbbüsü ilə 2022-ci ildə bir qrup nüfuzlu dini nümayəndə Ramazan ayında Bakıda keçirilən tədbirdə iştirak edib. Onun sözlərinə görə, bu cür təşəbbüslər dinlərarası dialoqun inkişafına töhfə verir.

İrene Kitsou dini dözümsüzlüyün antisemitizm, anti-müsəlman nifrəti və digər formalarına qarşı mübarizədə hüquqi mexanizmlərlə yanaşı, dialoqun da vacibliyini qeyd edib. O, rəqəmsal mühitdə dini nifrətin qarşısının alınmasının və beynəlxalq əməkdaşlığın gücləndirilməsinin əhəmiyyətinə diqqət çəkib.

Kitsou həmçinin Avropa Şurasının 46 üzv dövlətinin iştirak etdiyi hüquqi mexanizmlərin bu sahədə əməkdaşlıq üçün imkanlar yaratdığını bildirib. BMT-nin Sivilizasiyalar Alyansı, milli nümayəndələr və dini icmalarla birgə fəaliyyətin əhəmiyyətini də vurğulayıb.

Xəbəri sosial şəbəkələrdə paylaşın
Bizi sosial şəbəkələrdə izləyin
Previous Article

Azərbaycan Çin şirkəti ilə dəmir yolu və tramvay layihələrini müzakirə edib

Next Article

Praqada Müslüm Maqomayevin xatirəsi poeziya və musiqi ilə yad edilib

Bəlkə də, sizin üçün maraqlı olar ...;

Azərbaycan XİN-dən Səudiyyə Ərəbistanına hüzn mesajı

Aysel Əlibəyli 28 İyun 2026 · 18:57 1192 baxış Elpress.az xəbər verir ki, Azərbaycan Xarici İşlər Nazirliyi (XİN) Səudiyyə Ərəbistanının Ras Tanura şəhərində baş vermiş və 14 nəfərin ölümü ilə nəticələnmiş helikopter qəzası ilə əlaqədar […]

Emin Məmmədxanlı vəzifəsindən azad olundu

Aysel Əlibəyli 13 İyul 2026 · 11:49 1191 baxış Babək Rayon İcra Hakimiyyəti başçısının birinci müavini Emin Məmmədxanlı tutduğu vəzifədən ayrılıb. Elpress.az xəbər verir ki, Emin Nurəddin oğlu Məmmədxanlı Babək Rayon İcra Hakimiyyəti başçısının birinci […]