Azərbaycan Respublikası Mədəniyyət Nazirliyinin tabeliyində fəaliyyət göstərən Mədəniyyət üzrə Elmi-Metodiki və İxtisasartırma Mərkəzi (MEMİM) “Dilimiz milli-mədəni kimliyimizin təməlidir” adlı yeni layihəyə start verir.
Elpress.az xəbər verir ki,Mərkəzdən verilən məlumata görə, təşəbbüsün əsas məqsədi Azərbaycan dilinin milli-mədəni dəyərlər sistemindəki rolunu ön plana çıxarmaq, mediada dil normalarına düzgün əməl olunmasını təşviq etmək və bu istiqamətdə maarifləndirmə işlərini genişləndirməkdir.“Azərbaycan Mədəniyyəti – 2040” Konsepsiyası çərçivəsində həyata keçiriləcək layihə silsilə seminarları əhatə edəcək.Layihənin ilk tədbiri iyunun 11-də Azərbaycan Milli Kitabxanasında təşkil olunacaq. Seminarda Rafael Hüseynov iştirak edərək mövzu ilə bağlı çıxış edəcək.Saat 14:00-da başlayacaq tədbirə qatılmaq istəyən hər kəs üçün giriş sərbəstdir.
