--:--:-- | 08 Noyabr 2026, Bazar
Son Xəbər
Yüklənir...

Qızını döyən kürəkənini öldürən şəxs məhkəmə zalından azad edildi

Aysel Əlibəyli 22 Oktyabr 2026 · 12:43 1168 baxış

Ali Məhkəmə qızına qarşı uzun müddət zorakılıq edən kürəkənini öldürməkdə təqsirləndirilən şəxsin əməlini yenidən tövsif edib. Onun 9 il 6 aylıq həbs cəzası 1 il 6 aya endirilib və cəza müddətini çəkmiş hesab olunduğundan məhkəmə zalından azad edilib.

Elpress.az xəbər verir ki, Ali Məhkəmənin Cinayət Kollegiyası hadisənin hallarını araşdıraraq əməlin Cinayət Məcəlləsinin 120.1-ci maddəsindən 123.1-ci maddəsinə — zəruri müdafiə həddini aşmaqla qəsdən adam öldürmə maddəsinə tövsif edilməsinə qərar verib.

İş materiallarına görə, təqsirləndirilən şəxsin qızı uzun müddət həyat yoldaşının fiziki və mənəvi zorakılığına məruz qalıb. 2024-cü il yanvarın 18-də qadın yenidən döyülüb, kəllə-beyin travması və digər xəsarətlər alıb. O, azyaşlı övladı ilə evdən qaçaraq mağazada gizlənib və atasından kömək istəyib. Ata qızını və nəvəsini evinə aparıb, səhhəti pisləşən qızını isə xəstəxanaya yerləşdirib.

Həmin gün kürəkən qayınatasının yaşadığı evə gəlib. Məlumata görə, o, qayınatasına qarşı zorakılıq göstərib, bıçaqla hücum edərək baş nahiyəsindən xəsarət yetirib. Qarşıdurma zamanı qayınata bıçağı onun əlindən alsa da, kürəkən yumruq və təpik zərbələri ilə hücumunu davam etdirib. Qayınata bıçaqla ona dörd xəsarət yetirib. Onlardan üçünün həyat üçün təhlükəli olduğu, nəticədə kürəkənin kəskin qan itirmədən öldüyü bildirilib.

Sumqayıt Ağır Cinayətlər Məhkəməsi 2025-ci il mayın 12-də təqsirləndirilən şəxsi qəsdən adam öldürməyə görə 9 il 6 ay müddətinə azadlıqdan məhrum edib. Sumqayıt Apellyasiya Məhkəməsi də 2026-cı il fevralın 26-da hökmü dəyişdirmədən saxlayıb.

Ali Məhkəmə isə hesab edib ki, qayınatanın bıçağı kürəkəninin əlindən alması hücumun başa çatması demək deyil. Kürəkənin zorakılığı davam etdirməsi, tərəflərin fiziki imkanları və hadisənin başvermə şəraiti zəruri müdafiə vəziyyətinin qiymətləndirilməsində nəzərə alınmalıdır.

Bununla belə, məhkəmə bıçaqla dörd xəsarətin yetirilməsini müdafiə həddinin aşılması kimi qiymətləndirib. Cəza müəyyən edilərkən təqsirləndirilən şəxsin könüllü olaraq hüquq-mühafizə orqanlarına gəlməsi, təqsirini etiraf etməsi, istintaqa kömək göstərməsi və zərərçəkmişin hüquqi varisi ilə barışması yüngülləşdirici hallar sayılıb.

Cəza müddəti 2024-cü il yanvarın 18-dən hesablandığı üçün 1 il 6 aylıq həbs müddətini çəkmiş hesab edilən şəxs məhkəmə zalından dərhal azad olunub.

Xəbəri sosial şəbəkələrdə paylaşın
Bizi sosial şəbəkələrdə izləyin
Previous Article

Elçin Yusubov vəzifəsindən azad edildi

Next Article

Ermənistan rəsmiləri TRIPP layihəsi ilə bağlı Zəngəzura səfər ediblər

Bəlkə də, sizin üçün maraqlı olar ...;

Həmyerlisini maşınla vuraraq öldürdü

Aysel Əlibəyli 07 İyul 2026 · 22:27 1130 baxış Qısqanclıq iddiası ilə başlayan münaqişə faciə ilə bitdi: Avtomobillə həmyerlisinin üzərindən dəfələrlə keçdi Elpress.az-ın Qafqazinfo.az-a istinadən verdiyi məlumata əsasən, Bakının Qaradağ rayonunda ölümlə nəticələnən ağır hadisə […]

Yazıçı Rüfət Əhmədzadə vəfat edib

Aysel Əlibəyli 22 İyul 2026 · 18:39 1218 baxış Elpress.az xəbər verir ki, Azərbaycan ədəbiyyatına öz yaradıcılığı ilə töhfələr vermiş yazıçı Rüfət Əhmədzadə vəfat edib. Mərhumun ölümü ilə bağlı məlumat jurnalist Rəbiyyə Zərdabi tərəfindən sosial […]

Məktəbdə jurnalistlərə qarşı insident araşdırılır

Aysel Əlibəyli 28 Oktyabr 2026 · 22:11 1080 baxış Bakının Yasamal rayonundakı 225 nömrəli tam orta məktəbdə Real TV-nin çəkiliş qrupunun hücuma məruz qaldığı bildirilir. İnsident zamanı telekanalın operatorunun xəsarət aldığı qeyd olunur. Elpress.az xəbər […]

Şok qərar: Sadettin Saran 2 il 6 ay həbsə məhkum edildi ⚖️

Aysel Əlibəyli 04 İyun 2026 · 14:11 1187 baxış Fənərbaxça klubunun prezidenti Sadettin Saran 2 il 6 ay müddətinə azadlıqdan məhrumetmə cəzasına məhkum edilib. Sadettin Saran qanunsuz mərc oyunlarına təşviq etmə ittihamı ilə bağlı aparılan […]