Xətai rayonunda təhlükəsizlik tələblərinə cavab verməyən liftin fəaliyyəti FHN tərəfindən dayandırılıb.
Elpress.az xəbər verir ki, Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin əməkdaşları tərəfindən Bakı şəhərinin Xətai rayonu, Xudu Məmmədov küçəsində yerləşən marketdə liftə planlı baxış keçirilib.
Yoxlama zamanı liftin təhlükəsizlik tələblərinə uyğun istismar edilmədiyi və insan həyatı üçün təhlükə yaratdığı müəyyən olunub. Bu səbəbdən liftin istismarı dayandırılıb.
Aşkarlanmış nöqsanların aradan qaldırılması üçün market rəhbərliyi qarşısında məsələ qaldırılıb. Bildirilib ki, qayda pozuntuları aradan qaldırıldıqdan sonra liftin yenidən istismarına icazə verilə bilər. Həmçinin, təhlükəsizlik normalarına əməl edilmədiyi halda baş verə biləcək qəza və bədbəxt hadisələrə görə müəssisə rəhbərliyinin hüquqi məsuliyyət daşıdığı diqqətə çatdırılıb.
