Paytaxt və Abşeron yarımadasında müşahidə olunan tozlu hava şəraitinin daha iki gün davam edəcəyi gözlənilir.
Elpress.az xəbər verir ki, Ekologiya və Təbii Sərvətlər Nazirliyinin məlumatına görə, avtomatik stansiyalardan əldə edilən göstəricilər havadakı tozun miqdarının normadan 2,2 dəfə artıq olduğunu göstərir.
Ətraf Mühitin Çirklənməsinin Monitorinqi Qrupunun bildirdiyinə əsasən, toz meteoroloji şəraitlə əlaqədar transsərhəd xarakter daşıyır və cənub-şərq istiqamətindən əsən hava axınları vasitəsilə ölkə ərazisinə daxil olub.
Tozun havada qalma müddəti meteoroloji vəziyyətdən asılı olacaq.


