Eyvazxanbəyli və Baş Qərvənd kəndlərinə də ailələrin köçürülməsi planlaşdırılır
Elpress.az xəbər verir ki, İşğaldan azad edilmiş ərazilərdə Böyük Qayıdışa dair I Dövlət Proqramı çərçivəsində həyata keçirilən tikinti və bərpa işləri davam etdirilir.Ağdam, Füzuli və Xocavənd rayonlarında xüsusi nümayəndə Emin Hüseynov bildirib ki, Ağdam şəhərində dördüncü və beşinci yaşayış komplekslərinin, eləcə də Eyvazxanbəyli və Baş Qərvənd kəndlərində aparılan quruculuq işlərinin ilin sonunadək tamamlanaraq təhvil verilməsi nəzərdə tutulur.Layihələrin başa çatdırılması nəticəsində ümumilikdə 8 min nəfərin Ağdam şəhərinə qayıdışı təmin ediləcək. Eyvazxanbəyli kəndinə ilk mərhələdə 427, Baş Qərvənd kəndinə isə 851 ailənin köçürülməsi planlaşdırılır.Bununla yanaşı, Füzuli rayonunun Dövlətyarlı və Pirəhmədli kəndlərində də bərpa və quruculuq işləri aparılır. İkinci “Ağıllı kənd” olan Dövlətyarlıda 450 ailənin, Pirəhmədlidə isə ilk mərhələdə 146 ailənin məskunlaşdırılması nəzərdə tutulur.
