Rusiya Prezidenti Vladimir Putin və Belarus lideri Aleksandr Lukaşenko Ukrayna Prezidenti Volodimir Zelenski tərəfindən Belarusla bağlı səsləndirilən təhdidləri müzakirə edəcəklər.
Bu barədə Kremlin sözçüsü Dmitri Peskov məlumat verib. Onun sözlərinə görə, Putin yaxın zamanda Lukaşenko ilə əlaqə saxlayacaq və görüş zamanı bu məsələ də daxil olmaqla bir sıra mövzular müzakirə olunacaq.Peskov bildirib ki, sözügedən açıqlamaları “aqressiv təhdidlər” kimi qiymətləndirir və Belarusun öz suverenliyini qorumağa qadir olduğunu vurğulayıb.Qeyd edək ki, Zelenski Belarus ərazisində Rusiyanın Ukraynaya qarşı pilotsuz uçuş aparatları ilə hücumlarını koordinasiya edən vasitələrin fəaliyyəti dayandırılmasa, Ukraynanın məsələni özü həll edəcəyini açıqlamışdı.
