Türkiyə Ukrayna üçün nəzərdə tutulan təhlükəsizlik zəmanətlərinin hərbi-dəniz komponentini koordinasiya edəcək
Elpress.az xəbər verir ki, Türkiyənin xarici işlər naziri Hakan Fidan Ukraynanın gələcək təhlükəsizlik zəmanətləri ilə bağlı aparılan müzakirələr çərçivəsində Türkiyənin mühüm öhdəlik götürdüyünü açıqlayıb.Ukraynanın xarici işlər naziri Andrey Sibiqa ilə keçirdiyi birgə mətbuat konfransında çıxış edən Hakan Fidan bildirib ki, mümkün sülh sazişi üzrə danışıqlarda əsas mövzulardan biri Ukrayna üçün təhlükəsizlik təminatlarının formalaşdırılmasıdır.Nazirin sözlərinə görə, bu təhlükəsizlik mexanizmi quru, hava və dəniz komponentlərini əhatə edir. Türkiyə isə həmin mexanizmin hərbi-dəniz istiqamətinə rəhbərlik etməyə razılıq verib.Hakan Fidan qeyd edib ki, bu məsələ ilə bağlı müttəfiq ölkələr arasında qarşılıqlı anlaşma mövcuddur və hazırda müvafiq hərbi-dəniz qüvvələri ilə planlı koordinasiya işləri davam etdirilir.
