--:--:-- | 07 Noyabr 2026, Şənbə
Son Xəbər
Yüklənir...

Vəkillər ildə azı 30 saat pulsuz hüquqi yardım göstərməli olacaq

Aysel Əlibəyli 30 Oktyabr 2026 · 17:18 1076 baxış

Azərbaycanda “Pulsuz hüquqi yardım haqqında” yeni qanun layihəsi Milli Məclisin plenar iclasında birinci oxunuşda müzakirəyə çıxarılıb. Sənəddə vəkillər üçün əlavə öhdəliklər, o cümlədən ildə azı 30 saat ödənişsiz hüquqi xidmət göstərilməsi tələbi nəzərdə tutulur.

Elpress.az xəbər verir ki, qanun layihəsinin əsas məqsədi pulsuz hüquqi yardım almaq hüququ olan şəxslərin keyfiyyətli xidmətlə təmin edilməsi, bu sahənin hüquqi, təşkilati və iqtisadi əsaslarının müəyyənləşdirilməsidir.

Layihəyə əsasən, pulsuz hüquqi yardım ilkin və peşəkar olmaqla iki formada göstəriləcək. İlkin yardım vətəndaşların hüquq və vəzifələri barədə məlumatlandırılmasını, ərizə və şikayətlərin hazırlanmasına köməklik göstərilməsini əhatə edəcək. Peşəkar yardım isə cinayət işləri üzrə müdafiə və təmsilçilik, mülki və inzibati mübahisələrdə məhkəmə təmsilçiliyi, eləcə də qanunda göstərilən digər hüquqi xidmətləri əhatə edəcək.

Pulsuz hüquqi yardım almaq hüququ olan şəxslər sırasına şəhid ailələrinin üzvləri, müharibə veteranları, insan alveri və məişət zorakılığı qurbanları, yetkinlik yaşına çatmayanlar, qaçqın statusu almış şəxslər, valideyn himayəsindən məhrum olanlar, korrupsiya faktları barədə məlumat verən şəxslər və digər kateqoriyalar daxil edilir. Həmçinin hüquqi xidmət haqqını ödəməyə imkanı olmayan aztəminatlı şəxslər, ünvanlı sosial yardım alan ailələrin üzvləri, işləməyən əlilliyi olan şəxslər və işsiz kimi qeydiyyata alınan vətəndaşlar da bu hüquqdan yararlana biləcəklər.

Layihədə “pro bono” hüquqi xidmət anlayışı da təsbit olunur. Buna əsasən, vəkillər qanunda nəzərdə tutulan şəxslərə ictimai fayda naminə ildə azı 30 saat ödənişsiz hüquqi yardım göstərməlidirlər. Bu tələb yerinə yetirilmədikdə, göstərilməyən hər saat üçün Vəkillər Kollegiyasına 18 manat ödəniş edilməsi nəzərdə tutulur.

Pulsuz hüquqi yardımın təşkili Vəkillər Kollegiyasına həvalə olunur. Kollegiya bu xidməti göstərən şəxslərin reyestrini aparacaq. Vətəndaşlar yardım üçün şəxsən, poçt və ya elektron qaydada müraciət edə biləcəklər.

Müraciətlərə sənədlərin qeydiyyata alındığı tarixdən yeddi iş günü ərzində baxılması, çatışmazlıqlar aşkarlandıqda isə ərizəçiyə iki iş günü ərzində məlumat verilməsi təklif olunur. İmtina qərarından Vəkillər Kollegiyasına və ya məhkəməyə şikayət etmək mümkün olacaq.

Qanun layihəsində pulsuz hüquqi yardımın dövlət büdcəsi hesabına maliyyələşdirilməsi, vəkilin müəyyən hallarda dəyişdirilməsi, eləcə də yardım alan şəxsin sonradan bu hüququ itirməsinin başlanmış iş üzrə xidmətin dayandırılmasına səbəb olmaması kimi müddəalar da yer alıb.

Xəbəri sosial şəbəkələrdə paylaşın
Bizi sosial şəbəkələrdə izləyin
Previous Article

Dövlət Dəniz Akademiyasına yeni rektor əvəzi təyin edildi

Next Article

Prezident kənd təsərrüfatı sahəsində fərqlənən şəxsləri təltif etdi – ADLAR

Bəlkə də, sizin üçün maraqlı olar ...;

Azərbaycan vizasız giriş imkanlarını genişləndirir

Aysel Əlibəyli 29 İyul 2026 · 11:45 1152 baxış Azərbaycan qanuni miqrasiyanın təşviqi istiqamətində tətbiq etdiyi mexanizmləri genişləndirməyə davam edir. Elpress.az xəbər verir ki, bu barədə Dövlət Miqrasiya Xidmətinin rəisi Vüsal Hüseynov “Miqrasiya sahəsində media […]

Yasamal və Binəqədinin bəzi ərazilərində işıq kəsiləcək

Aysel Əlibəyli 22 Oktyabr 2026 · 08:26 1094 baxış Bakının Yasamal və Binəqədi rayonlarının bir sıra küçələrində oktyabrın 22-də elektrik enerjisinin verilişində müvəqqəti fasilələr yaranacaq. Elpress.az xəbər verir ki, “Azərişıq” ASC-nin məlumatına görə, məhdudiyyətlər elektrik […]

Bakının əsas yollarında nəqliyyat sıxlığı müşahidə olunur

Aysel Əlibəyli 28 İyul 2026 · 08:57 1112 baxış Paytaxtın bir sıra əsas küçə və prospektlərində səhər saatlarından etibarən nəqliyyatın hərəkətində sıxlıq yaranıb. Elpress.az xəbər verir ki, Daxili İşlər Nazirliyinin Nəqliyyatı İntellektual İdarəetmə Mərkəzi paytaxtda […]

Saleh Səmədovun işi üzrə dövlətə dəymiş ziyan tam ödənilib

Aysel Əlibəyli 14 Oktyabr 2026 · 17:27 1102 baxış İmişli Rayon Ağsaqqallar Şurasının keçmiş sədri Saleh Səmədovun mənimsəmə ittihamı üzrə dövlətə vurduğu ziyan tamamilə ödənilib. Elpress.az xəbər verir ki, “Qafqazinfo”nun məlumatına görə, ödənişi onun oğlu […]