“ChatGPT”nin rəsmi “Instagram” hesabında yayılan bir paylaşım futbol azarkeşləri arasında müzakirəyə səbəb olub.
Elpress.az-ın Qafqazinfo.az-a istinadən verdiyi məlumata əsasən, Paylaşımda Argentina millisinin formasını geyinmiş, baş hissəsi keçi (GOAT – “Greatest Of All Time”) simvolu ilə əvəz edilmiş futbolçu təsviri yer alıb. Bu görüntü bir çox istifadəçi tərəfindən Lionel Messi-yə işarə kimi qiymətləndirilib.Sosial şəbəkələrdə bəzi istifadəçilər bunu Messiyə tərif kimi qəbul edib, digərləri isə futbol debatlarının – xüsusilə Messi və Cristiano Ronaldo azarkeşləri arasındakı rəqabətin yenidən alovlanmasına səbəb olduğunu yazıblar.Qeyd edək ki, “GOAT” ifadəsi “Greatest Of All Time” (bütün dövrlərin ən yaxşısı) mənasını verir və idmanda ən yüksək səviyyəli oyunçulara istinad etmək üçün istifadə olunur.
